المقادير :
٢ كوب وربع دقيق وعليه ملعقتين صغيرتين بيكنج بودر …
٣ بيضات
فانيليا
كوب ونص سكر مطحون
كوب ونص لبن
علبة زبادي
نص كوب زيت
 
 
للطبقات محتاجين قرفة وسكر عادي ونسكويك او معلقة كاكاو كبيرة نخلطهم مع بعض يعملوا حوالي نص كوباية …
 



طريقة التحضير :
نخفق البيض مع الفانيليا والسكر كويس جدا بالمضرب الكهربائي او الخلاط … وبعدين نضيف اللبن والزبادي ونستمر في الضرب وبعدين ننزل بالزيت ونستمر بالضرب وبعدين نضيف الدقيق ونخلط الكل مع بعض كويس جدا …
 
نجهزة صينية مقاس ٢٤ وندهنها ونفتح الفرن
 
ناخد خليط الكيك ونوزعه ع ٥ اطباق مهلبية او ٥ مجات شكل بعض بالتساوي لان الكيكة دي عملت معايا ٥ طبقات ولازم نوزعهم بالتساوي …
 
خليط الكيك بيبقى اخف شوية من المعتاد … في الكيكة دي بالذات …
 
ناخد اول طبقة نحطها في الصينية ونساويها وندخلها الفرن عادي ع درجة حرارة وسط مش بتاخد غير ١٠ او ١٢ دقيقة تقريبا مش لازم الوش يحمر المهم انها تجمد تبقى استوت
نطلع الصينية ونرش ع الطبقة من خليط القرفة ونحط الطبقة التانية والمرة هنقفل الفرن ونفتح الشواية ونبعد الرف الوسطاني هنخليه تحت شوبة ونحط الصينية برضه مش هتاخد وقت لحد ما تستوي ونشيلها ونختبرها بالسكينة او خلة ونطلعها ونسيب الشواية مفتوحة لان بقية الكبقات هنسويهم بنفس الطريقة بعد ما نطلعها نرش من خليط القرفة وبعدين ننزل بالطبقة التالتة ووندخلها تستزي وهكذا لحد الانتهاء من تسوية كل الطبقات بنفس الطريقة اخر طبقة مش هنحط قرفة …
 
كده استوت الكيك ونسيبها تهدى ونكون مجهزين الصوص الابيض اللي هيغطيها …
 
الصوص الابيض عبارة عن …
٦ جبنة كيري … كيس حليب نيدو من اللي قد حجم كف الايد او ٤ معالق كبار … كيس كريمة شانتييه ومعلقة زبدة بحرارة المطبخ و٣ معالق سكر بودرة ونص كوب مبة ساقعة هنضرب الكريمة الاول لحد ما تبقى هشة وننزل بالجبنة وبقية المكونات ونضرب كويس جدا بالمضرب الكهربائي مينفعش الخلط …
نغطي الكيكة بخليط الجبنة والكريمة ونكون مسيحين ع حمام مائي مكعبين شوكليت مطبخ ونرسم خطوط ع الكريمة البيضاء
خطواتها كتير لكن هتاكلوا احلى كيك متميز
قم بالتصويت للوصفة: